År etter år stiller damene under teamnamnet «Stjernene» til start på Haukelirennet. Dei 17 damene i alderen 50 til 62 år møtast både til joggeturar og teater, og Haukelirennet har blitt ei fast hending i kalenderen til venninnegjengen frå Haugesund.

– Me er ein stor venninnegjeng som både joggar, går på teater, reiser på fjellturar og feirar store dagar saman, seier stjernemedlemmane Ellen Myklebust og Inger Johanne Storesund. Stjernene melder seg på trim-klassa til Haukelirennet, og tek turen i Haukelirennløypa i sitt eige tempo. – Eg trudde på førehand at Haukelirennet var for krevjande og at dette berre er eit renn for dei flinke og rakse på ski. Saman med «Stjernene» fann eg ut at det ikkje stemmer, og at Haukelirennet derimot er eit renn for alle som likar å gå på ski, fortel Myklebust.

Stjerne-damene går i samla flokk gjennom løypa, tar pauser undervegs og kosar seg på ski i vårsola på Haukelifjell.  – Me tek dagen som den kjem. Etter å ha gått eit stykke, rastar me som regel i ei li, varmar oss i sola og heiar på eliten som susar forbi, fortel dei. Etter målgang blir det obligatoriske gruppebiletet foreviga, før bragden feirast med ein god stjernemiddag i lag. Eit år vann til og med eit stjernemedlem ein gevinst på startnummeret sitt. – Det var ekstra stas, legg damene til.

Myklebust, Storesund og resten av «Stjernene» oppmodar alle som likar å gå på ski til å melde seg på Haukelirennet. – Det som er bra med trimklassa er at me kan gå i det tempoet som passar for oss. Det er eit flott arrangement med fantastiske løyper og mange hyggelege folk. Det viktigaste er å ta seg tid til å vere ute, stoppe opp på matstasjonane og heie på kvarandre, avsluttar dei to blide damene, som sjølvsagt er påmeldt årets Haukelirenn.

Laurdag kunne endeleg det trettande ordinære Haukelirennet arrangeras. Sola skein om kapp med dei 1064 deltakarane då starten gjekk på toppen av Haukelifjell skisenter. Gaute Kvåle frå Rødal IL vann herreklassa, medan Silje Øyre Slind frå Oppdal IL vann dameklassa.

Etter to amputerte år var det berre store smil å sjå i den 32 kilometer lange Haukelirennløypa på Haukelifjell. Til saman deltok 1064 løparar i solsteika. Den aller raskaste gjennom var Gaute Kvåle frå Røldal IL med tida 1:11:38. Deretter fylgde Eivind Kjennerud frå Sande Sportsklubb med tida 1:12:58 og Arild Fosse frå Bjørgum med tida 1:15:14. På damesida vann Silje Øyre Slind frå Oppdal IL med tida 1:18:58, før Gunnhild Kvålseth med tida 1:24:49 og Hanna Kristine Larsen frå Heddal IL med tida 1:25:21.

Ungdomsrennet
I ungdomsrennet var det Jacob Berntzen Utistog frå Koll IL som gjekk fortast. Kristina Skulestøyl Aas frå Gransherad IL var raskaste jente.

Blidaste turrennet
Gleda over å gå Haukelirennet att var tydeleg stor blant både aktive, mosjonistar, trimmarar, ungdom og barn, og arrangøren var nøgde med deltakartalet, trass i litt færre enn dei siste gjennomføringane. Dei 130 funksjonærane frå IL Rein kunne smile då siste løparen gjekk i mål laurdag ettermiddag. Det er ikkje for ingenting at Haukelirennet går for å vere «Noregs blidaste turrenn».

Resultat 2022

Bilete (oppdateras fortløpande)

Velkommen tilbake laurdag 15. april 2023!

Gaute Kvåle
Eivind Kjennerud
Per Ingvar Tollhaug
Olve Ure
Vetle Svanes Strand
Sondre Østervold
Robin Sælen
Nils Olav Kjetså Røed
Simen Fossesholm
Silje Øyre Slind
Gunnhild Kvålseth
Fredrik Johnsen
Øystein Haldorsen
Andre Botnen
Vidar Igeltjørn
Magnus Tobiassen
Per Gunnar Mustad
Kristian Heggebø
Hanna Kristine Larsen
Vetle Bustnes Martinsen
Sjur Obrestad Gabrielsen
Ola Martin Øverland
Hogne Findal Skar
Tage Aarekol

Oppdatert fredag 011.04.2022 kl. 13:37

Det har i det siste vore kaldt på fjellet og me ventar stabile forhold. Smjørjetips er basert på værmelding og testing i renntraseen.

Swix anbefalar fylgjande:

Frå i dag ca. kl. 14: 00 tek Brukås Sport og Yes Skiwax/Hovden Skigymnas i mot ski til prepping. Dei tek både i mot ski til ungdomsrennet og Haukelirennet.

Smøjeservice finn du i Haukelifjell skisenter.

Haukelirennet legg fylgjande til grunn for kva løparar som skal i seeda gruppe:

• Arrangør nyttar resultatlista for Haukelirennet året før som utgangspunkt og held dette opp mot FIS-punkt. Der det blir tvil, eller løpar ikkje har delteke i Haukelirennet tidlegare, brukar arrangøren FIS-punkt som grunnlag for seeding.
• For å koma med i seeda gruppe må nye løparar må ha betre rangering med utgangspunkt i FIS-punkt enn den løparen på vår seedingsliste med lågast rangering.
• Fredag før rennet, innan kl. 10.30, legg me ut liste over seeda løparar på vår heimeside

Om du har spørsmål eller krav om seeding på bakgrunn av fyrste publiserte liste, kan du sende epost med ei enkel grunngjeving til rennleiar trond.flothyl@haukelirennet.no innan fredag 1. april 2022 kl. 15.00

Juryen stadfester endeleg seedingsliste og publiserer denne her på heimesida innan fredag kl. 22.00

Organisering av startfelt

Bak seeda gruppe vil vi dele feltet inn etter forventa slutttid.

Vi oppmodar deltakarane til å stille seg i det området dei meiner er rett for deira ambisjon og kapasitet. Startfeltet vil bli delt inn i båser med fylgande skilting

Bås 1: Forventa sluttid under 1 t. 45 min.
Bås 2: Forventa sluttid 1 t. 45 min.- 2 t.
Bås 3: Forventa sluttid 2 t.-2 t 30 min.
Bås 4: Forventa sluttid 2 t. 30 min. eller meir/mosjonklasse/trimklasse

Ungdomsrennet har ikkje seeding og løparar her vil ha eigen bås langt framme på høgre sida i startfeltet.

Startfeltet opnar kl. 11.50.

Program 2. april 2022
Kl. 08.30: Rennkontoret opnar
Kl. 09.00 Skiheisen opnar
Kl. 09.30-13.30: Start trimklasse
Kl. 10.15: Felles oppvarming for Vennerennet
Kl. 10.30: Vennerennet startar
Kl. 11.50: Startfeltet for tidtakarklassene opnar
Kl. 12.30: Haukelirennet startar
Ca. kl. 13.00: Målgang ungdomsrennet
Ca. kl. 13.30: Målgang Haukelirennet
Ca. kl. 14.30 Premieutdeling

Les under praktisk info for meir informasjon.